Gi-nin əsərləri

 
 

Məqalədə Latiastraea Beauvais cinsinin tərkibi, geoloji və coğrafi yayılması öz əksini tapmışdır. Hal-hazırda Latiastraea cinsinin 12 növü məlumdur. Cinsin nümayəndələri Sakit okean və Alp qırışıqlıq qurşaqlarında yayılmışdır. Əsasən üst Yura-alt Təbaşir çöküntülərində rast gəlinir. Azərbaycanda Kiçik Qafqazın şimal-şərq hissəsində yerləşən üzvi qurumlardan bu cinsin aşkar edilmiş 1 məlum və 2 yeni növünün təsviri verilir.

Xülasə
 

 

Məqalədə seysmik təhlükəli rayonlarda ərazinin seysmikliyindən asılı olaraq zəlzələyə davamlı tikinti istehsalının təkmilləşdirilməsi tədqiq olunmuşdur. Tədqiq olunan   Şəki - İsmayıllı ərazisinin geoloji quruluşu, seysmikliyi və bu bölgədə iqtisadi baxımdan zəlzələyə davamlı tikintinin xüsusiyyətləri göstərilmişdir.   

 
 

Məqalədə çöküntü toplanma sikllərinə və ostrakodların kəmiyyət tərkibinin dəyişmələrinə diqqətlə baxılıb. Litoloji tərkibdən asılı olaraq ostrakoda komplekslərinin dəyişmələri dəqiqliklə göstərilib.

Həmçinin Cənubi Xəzər çökəkliyinin Qərb bortunda aparılan çöl işləri göstərirki burada çox təkrarlanan çöküntü toplanma sikli var. Bütövlükdə sedimentasiya şəraiti dayaz-şelf kimi interpritasiya olunur. Bu kəsilişdə mikrofauna çox saylı ostrakoda növlərindən ibarətdir, buda onu göstərirki, vaxtilə onların yaşaması üçün Xəzər dənizi hövzəsində çox yaxşı iqlim şəraiti olub. Gələcəkdə paleoiqlimi rekonstruksiya etmək məksədiilə ostrakodların dəqiq keyfiyyət analizini etmək nəzərdə tutulur.

Xülasə
 

 

Balakənçay və Gümbulçay çayları arasında yerləşən Gümbulçay təzahüründə anomal geokimyəvi sahə morfologiyasına, ölçülərinə və intesivliyinə görə Katex yatağına oxşardır. Bu sahənin daxilində litokimyəvi anomaliyalar kompleks tərkibə malikdir. Katex yatağın­dan fərqli olaraq, burada onlar oreollarda qurğuşun və qalayın daha yüksək miqdarı, sinkin, misin, kobaltın isə daha kicik miqdarı ilə səciyyələnir. Bu göstərici və həmçinin zonallıq əmsalının böyük ədədi qiyməti tədqiqat aparılan təzahürün ərazisinin erozion kəsiminin səviyyəsinin Katex yatağındakına nisbətən aşağı olmasını göstərir. Anomal geokimyəvi sahənin morfologiyası, kompleks tərkibi, anomaliyarın uzanması boyu əhəmiyyətli dərəcədə inkişaf etməsi, eninə istiqamətində isə kəskin təzadlılığı, zonalıq əmsalının yüksək ədədi qiymətləri əsasında bu sahənin dərin horizontlarında sənaye əhəmiyyətli qalenit-sfalerit-pirit tərkibli gizli filizləşmənin aşkar edilməsinin mümkünlüyü haqqında nəticə çıxarılır.