Gi-nin əsərləri

 

Quyu dayandırıldıqdan sonra, ona maye axımını nəzərə almaqla, özlü-elastiki ma­ye­nin elastiki məsaməli mühitdə süzülməsi modelinə əsasən lay parametrlərinin quyudibi təzyiqinin bərpası əyriləri vasitəsi ilə hesablanması düsturları verilmişdir.

Xülasə
 

 

Məqalədə ilk dəfə olaraq Bakı arxipelaqı yataqlarının timsalında Məhsuldar qatın VII horizontu süxurlarının xüsusi elektrik müqavimətlərinin, məsaməlilik əmsallarının və sıxlıqlarının lokal sahə və layların enmə istiqamətlərində dəyişməsi qanunauyğunluqları öyrənilmiş və bu parametrlər arasında əlaqələr yaradılmışdır. Alınmış asılılıqların riyazi emalı nəticəsində düsturlar çıxarılmışdır.

 

Məqalədə Qobustanın Cəngiçay, Cəngidağ, B.Siyəki və s. sahələrində yerləşən yanar şist yataqları, geokimyəvi təhlil edilmişdir. Cəngiçay (yer səthindən, quyulardan, xəndəklərdən), cəngidağ və digər sahələrin şistləri təhlil edilərək, onların tərkibində olan (əsas yanajaq üçün istifadə olunan) üzvi maddənin, kerogenin və külün miqdarı öyrənilmişdir. Yanar şistlərin tərkibində olan üzvi maddədən istifadə edilməsi məqsədi ilə yanma və piroliz prosesləri təhlil edilmişdir. Pirolizin aparılma şəraiti, alınan piroliz məhsullarının kimyəvi tərkibi öyrənilməklə onların sənayedə, kənd təsərrüfatında tətbiq sahələri müəyyənləşdirilmişdir. 

Xülasə
 

 

Məqalədə quyuların vulkandan məsafəsinin qazılma göstəricilərinə, yəni mexaniki sürət və süxurların bərkliyinə təsirinin təhlili nəticəsi verilmişdir. Göstərilmişdir ki, vulkandan olan məsafə artdıqca mexaniki sürət azalır, süxurların bərkliyi isə artır. Vulkan yaxınlığında yerləşən quyularda daha çox məhlul udulmaları kimi mürəkkəbləşmələr müşahidə olunur və vulkandan olan məsafə artdıqca onların tezliyi azalır. Üçölçülü fəza sistemində mexaniki sürətin, dəyişməsi və udulmaların quyular üzrə paylanması şəkilləri əks olunmuşdur.